CYNHADLEDD RYNGWLADOL 2027 AR ASTUDIAETHAU CYMREIG

Galwad am Bapurau

Mae Astudiaethau Cymreig yn ymwneud ag archwilio, egluro a deall pob agwedd ar Gymru( a’i pherthynas â’r byd ehangach. Mae’n cwmpasu llawer o ddisgyblaethau, gan gynnwys, ond( heb fod yn gyfyngedig i, hanes, llenyddiaeth, ieithoedd, celf, y gwyddorau cymdeithasol, gwyddor wleidyddol, y gyfraith, addysg, athroniaeth, cerddoriaeth a chrefydd. Bydd y( gynhadledd hon yn dwyn ynghyd ysgolheigion o wahanol ddisgyblaethau sy’n ymchwilio( Cymru, er mwyn ystyried ein dealltwriaeth o’r genedl -  ei phobl a’i chymunedau - a dyfnhau’r ddealltwriaeth honno. 

Trefnir y gynhadledd gan Gymdeithas Gogledd America ar gyfer Astudio Diwylliant a Hanes Cymru (NAASWCH). Gwahoddir academyddion, myfyrwyr ôl-raddedig ac ysgolheigion annibynnol o Gymru, y Deyrnas Unedig, Gogledd America a gwledydd ledled y byd i gymryd rhan. Croesewir papurau ar unrhyw agwedd ar ymchwil sy’n ymwneud â Chymru a’i phobl a’i chymunedau. 

Gwahoddir y rhai sy’n dymuno cyflwyno papur 20 munud i anfon crynodeb (uchafswm o 500 gair). Croesewir hefyd gynigion ar gyfer sesiynau thematig, cyflwyniadau panel neu ffurfiau eraill. Gellir cyflwyno yn Gymraeg neu yn Saesneg. Dylid cynnwys bywgraffiad byr (150 gair) gyda’r crynodeb. 

Dylid anfon crynodebau neu gynigion am sesiynau erbyn 29 Ionawr 2027 fan bellaf at Dr Gareth Evans, Prifysgol Abertawe, drwy e-bost i gareth.p.evans@swansea.ac.uk. Anogir cyflwyno cynigion yn gynnar. Cydnabyddir derbyn y cynigion yn brydlon. Hysbysir y cyflwynwyr a yw eu cynigion wedi’u derbyn yn gynnar ym mis Mawrth. 

Bydd cofrestru’n agor yn gynnar yn 2027. Cynhelir y gynhadledd dros dridiau, a bydd y pecynnau’n cynnwys ciniawau a phryd gyda’r nos. Bydd y llety ar Gampws y Bae’r Brifysgol, lle cynhelir y gynhadledd. 

Ffioedd cofrestru: 

• Pecyn llawn: £325 (yn cynnwys dwy noson o lety)

• Pecyn llawn: £410 (yn cynnwys tair noson o lety)

• Pecyn heb lety: £160

Bydd nifer fach o fwrsariaethau ar gael i fyfyrwyr sydd ar hyn o bryd yn dilyn gradd ôl-raddedig. Dylai ymgeiswyr sydd â diddordeb gyflwyno, ynghyd â’u cynnig am bapur, ddatganiad 250 gair yn egluro sut y byddai mynychu’r gynhadledd hon yn cyfrannu at ddatblygiad eu gwaith a’u gyrfa. 

Cyhoeddir manylion y prif ddarlithoedd maes o law. Dylai’r rhai nad ydynt yn cyflwyno cynigion ond a hoffai dderbyn gwybodaeth am y gynhadledd gysylltu â Dr Melinda Gray (Ysgrifennydd/Trysorydd NAASWCH) drwy e-bost: melindagray99@gmail.com.